Претходно во вторникот, францускиот претседател изјави по состанокот со својот американски колега Доналд Трамп дека Париз сака да работи на новиот нуклеарен договор со Иран.
Говорејќи пред Конгресот на САД, Емануел Макрон рече дека Франција нема да се повлече од иранскиот нуклеарен договор – исто така познат како Заеднички сеопфатен план за акција (JCPOA) – кој беше потпишан во 2015 година.
“Франција нема да го напушти JCPOA бидејќи ние го потпишавме”, рече Макрон. “Ние можеме да работиме на посеопфатен договор”.
Коментарот доаѓа по изјавите на американскиот Стејт департмент и шефот за надворешна политика на ЕУ, Федерика Могерини, која ја потврдија својата посветеност на договорот.
На заедничката прес конференција со Доналд Трамп во вторникот, тој го повика американскиот претседател да не “раскине” сегашниот договор, наместо тоа го советуваше да се надгради и да се развие нов поширок договор. Тој истакна дека Париз сака да работи на новиот нуклеарен договор со Иран, кој ќе вклучува меѓународни играчи како Русија и Турција.
Американскиот претседател Доналд Трамп постојано го критикуваше договорот потпишан во 2015 година, кој беше потпишан од Иран, Европската унија и групата П5 + 1 (САД, Русија, Кина, Франција и Обединетото Кралство плус Германија). Тој го нарече договорот, кој предвидува постепено укинување на санкции против Техеран во кој Иран ја го гарантира одржувањето на мирната природа на својата нуклеарна програма, “најлош договор досега”.
Кон крајот на октомври, американскиот претседател Доналд Трамп одби да го потврди нуклеарниот договор, обвинувајќи го Техеран за кршење на духот на договорот. И покрај фактот што Трамп одлучи да не ја оспори усогласеноста на Техеран со договорот на меѓународно ниво, тој не исклучува можно повлекување од договорот ако договорот не се подобри. Другите потписници на JCPOA ги повикаа САД да се усогласат со одредбите на договорот, велејќи дека договорот дава резултати и не може да се преговара.
