Во неколку медиуми денес беа објавени резултати од спроведено истражување на јавното мислење, кое всушност никогаш не било спроведено, а резултатите се тотална измислица или на медиумот, или пак на оној кој се дрзнал во име на Центарот за истражување и Анализа да испрати вакви податоци до медиумите
Центарот за истражување попладнево излезе со демант на објавата на порталот Старт.мк но и некои други портали, кои имаат тенденциозна намера да го нарушат угледот на агенцијата.
[kopa_block_quote class=”e.g. kopa-blockquote-1, kopa-blockquote-2″]
Би сакале да ве известиме дека во врска со наводна анкета и резултати од истата, објавени во неколку електронски медиуми, каде што се злоупотребува името на нашата агенција се апсолутно неточни и непостоечки.
Потенцираме дека се работи за тенденциозна намера со цел да се наштети на нашиот углед, и да се предизвика недоверба во нашата работа која досега без исклучок била точна.
Наводните резултати кои беа објавени на порталот Старт.мк, а потоа превземени од уште неколку други портали се апсолутно невалидни, бидејќи такво истражување на јавното мислење ЦИА никогаш нема спроведено.
Впрочем, ова е втор обид на ваков перфиден начин да се наштети на угледот на нашата агенција, и тоа по втор пат измислените анкети се објавени во медиум под исто раководство. – стои во демантот кој до медиумите го испратија од Центарот за Истражување и анализа.
[/kopa_block_quote]
