Министерот за информатичко општество, Дамјан Манчевски се правда дека до средината на оваа година ќе биде завршен процесот на распределба на административците ангажирани од Секретаријатот за спроведување на Охридскиот договор.
Иако распределбата сеуште не е завршена, а според некои шпекулации ниту започната, нови административци и понатаму се вработуваат.
Идентична изјава за распределбата на првата група од околу 1000 административци беше дадена и лани кога министерот Манчевски тврдеше дека истата ќе биде направена најдоцна во јуни минатата година, но и покрај ветувањата на Хазби Лика и Манчевски, тоа не се случи.
Околу 200 административци го одбија новите работни места кои им беа понудени, а неодамна министерот Манчевски призна дека во процесот има застој.
