Пратеникот на ВМРО-ДПМНЕ, Антонио Милошоски на својот Твитер профил објави лична порака испратена до него во кое член на СДСМ добил директно од Бихаќа повик за вработување за него или член на неговото семејство, поради тоа што дал поддршка на парламентарните избори.
Граѓанинот во пораката до Милошоски вели дека е започната масовна кампања на вработување на партиски кадар, поради падот на рејтингот на СДСМ.
Милошоски вели дека од инсајдерски информации знае дека во моментов се прават списоци за објавени огласи за околу 500 вработувања во државни установи. Листите според него ги прави генералниот секретар на СДСМ, Александар Кирацовски, огласите се про-форма, однапред се знае кој ќе биде вработен, но имињата на вработените ќе бидат објавени по референдумот.
