Бремената војвотка од Сасекс, Меган Маркл вчера учествувала во панел-дискусија по повод Меѓународниот ден на жените, на која се разгледувале нивните права. Покрај неа, во дискусијата учествувале и основачките на организацијата „Model and Gurls Talk“.
Меган Маркл на настанот пристигнала во црно палто и црно-бела мини тоалета со апстрактни примероци, со што по којзнае кој пат го прекрши кралскиот дрес код. Имено, иако на членките на кралското семејство не им е забрането да носат фустани или здолништа над колената, во тој случај задолжителни се темни хулахопки, а Меган облекла незабележителен модел во боја на кожата.
Но, овој пат нејзиниот одличен стил паднал во втор план и многу поважни биле нејзините зборови. Како декларирана феминистка, војвотката имала што да каже за положбата на жените во денешницата и начинот на кој може таа да се подобри.
Во продолжение издвоивме некои од нејзините највпечатливи изјави од дискусијата:
„Кога работите одат во поинаков правец и недостасува правда и еднаквост, некој мора нешто да каже и зошто тоа да не бидете вие?“
„Се согласувам дека мора да бидеме глобални феминисти и да ги вклучиме мажите и момчињата.“
„Ако и момчињата се вклучени, тогаш тоа е уште поголем чекор, бидејќи престануваат да го применуваат наученото однесување кое може да биде многу опасно за младите жени и нивните потенцијали.“
„Не се работи за тоа дека девојчињата мора да одат во училиште и да станат памени девојки, туку дека тие паметни девојки треба да станат влијателни жени и да го променат светот на подобро.“
„Хаштаговите не се доволни.“
