Меган Маркл откри неочекувани детали за нејзината врска со Кејт Мидлтон за време на специјалното интервју на Опра на Си-Би-Ес.
Војвотката од Сасекс објасни дека и покрај спротивната вест, војвотката од Кембриџ ја расплакала една недела пред нејзината венчавка со принцот Хари во мај 2018 година.
„Се случи токму спротивното“, откри Меган. „И не го кажувам ова презирно кон никого затоа што беше навистина тешка недела пред венчавката. И таа беше вознемирена за нешто, но потоа ми се извини и ми донесе цвеќе и порака за извинување и го направи она што би го направила и јас ако знаев дека повредив некого, нели? Само да превземе одговорност за тоа“.
„Шокантно беше што по шест или седум месеци по нашата венчавка, на светот му стана познато спротивното од она што навистина се случи“, додаде таа.
Во ноември 2018 година имаше гласини дека Меган ја оставила во солзи Кејт поради барањата на идната невеста во врска со фустаните на деверушите. Меган ѝ рекла на Опра дека Кејт всушност била вознемирена од „нешто поврзано со фустаните на деверушите“ и дека постапките на војвотката од Кембриџ, кои таа одби да ги открие, ја расплакале.
„Тоа навистина ги повреди моите чувства“, рече Меган. „А, си помислив дека во контекст на сè друго што се случуваше во деновите пред венчавката, нема смисла да не се прави она што го прават сите други – да се обидат да ме поддржат, знаејќи што се случува со мојот татко и што уште не“.
Меган истакна дека ова не е „конфронтација“ со Кејт и дека и простила. Најтешката работа за војвотката од Сасекс било тоа што медиумите подоцна ја обвиниле за нешто што не го сторила, туку всушност и се случило нејзе. Меган рече дека сè уште не разбира зошто тимот за комуникации вклучен во венчавката не ги поддржал нејзините тврдења за печатот.
„Секој во институцијата знаеше дека тоа не е вистина“, рече таа.
Кога Опра праша зошто Палатата не интервенирала за да ги разбие гласините за приказната, Меган рече: „Тоа е добро прашање“.
„Се надевам дека Кејт би сакала ова да се коригира“, продолжи таа. „Можеби на ист начин како што палатата нема да дозволи никој друг да го негира тоа, тие нема да го дозволат тоа. Затоа што таа е добра личност.
Фото: Profimedia
