Медиумите од ноќеска на полноќ не може да објавуваат резултати од испитувањата на јавното мислење поврзани со учесниците во изборниот процес за избор на претседател на државата.
Според Роковникот на Државната изборна комисија, резултатите од анкетите можат да се објавуваат најдоцна пет дена пред денот определен за одржување на вториот круг од претседателските избори и вонредните локални во две општини.
На 27 април истече рокот во кој избирачот кој не е во можност да гласа на гласачкото место – нeмоќно или болнo лице, а сака да гласа, можеше за тоа да ја извести Општинската изборна комсија, со цел да може да го оствари своето право на 4 мај ден пред одржувањето на изборите. Ден пред одржувањето на изборите гласаат и избирачите кои на денот на гласањето се наоѓаат на издржување мерка куќен пpитвop, но тие имаат да се пријават до ОИК рок до утре – 1 мај .
Најдоцна до утре Државната изборна комисија треба да го достави изборниот материјал до општинските изборни комисии, кои, пак, имаат рок до 4 мај да го достават до избирачките одбори. Учесниците во изборната кампања треба да го поднесат финансиски извештај до ДИК, ДЗР и ДКСК за вториот круг од изборите најдоцна до 24 часот на 4 мај, доколку не учествуваат во него.
