Една петтина од вкупниот број ученици во Македонија наместо настава имаат лоша интернет конекција, а голем број немаат ни уреди за следење на наставата од далечина.
Од почетокот на учебната година, бројот на учениците коишто следат онлајн настава е зголемен за околу 10 отсто, информираат од Министерството за образование и наука.
-За неполна недела околу 80 проценти од учениците во средните и основните училишта успешно се приклучија кон онлајн наставата, а овој процент од стартот на годината постојано се зголемува. Останатите, ученици и наставници во основно и средно образование, пријавиле дека имаат тeшкотии при вклучувањето во онлајн наставата, а како најчеста причина ги посочуваат – лошата интернет конекција или немањето уреди. Министерството за образование и наука е во координација со градоначалниците, локалните самоуправи и директорите на училиштата и се работи на надминување на овие прeдизвици, информираат од Министерството.
Како што истакнуваат од МОН, моделот за онлајн настава се покажа како функционален и успешен, а наставниците и учениците се задоволни од тоа како се одвива наставата од далечина.
-Апелираме до сите оние кои ја боjkотираат наставата дека секој изгyбен ден од учењето е на директна штета на децата. Сите ученици мора да ја почнат учебната година и најважно од сè е образовниот процес да продолжи, велат од МОН.
Од Министерството информираат дека над 98 проценти од учениците од 1-3 одделение следат настава со физичко присуство во училиштата, а нешто помалку од два процента учат од далечина. За учениците кои немаат уреди за онлајн учење, а сепак треба да учат на далечина се емитуваат 15-минутни часови на телевизија преку Националната радио-телевизија (Македонската радиотелевизија).
Исто така, наставниците имаат обврска да им печатат материјали и редовно да им ги доставуваат, но и да бидат во постојана комуникација со нив и нивните семејства, за да го следат совладувањето на наставниот материјал, наведуват од МОН.
