Македонската ТВ водителка е несомнено една од оние кои имаат високо ниво на самодоверба и убаво чувство во себе кога е физичкиот изглед во прашање. Токму затоа, постојаното шокирање на јавноста на Миа Костова и стана повеќе од забава – стил на живот.
Долга, па кратака коса, буцка, па „сучка“ што може да се скрие зад рачка од метла, мали гради, па бујни силикони, ботокс за бејбифејс и филери за сочен бакнеж, закопчана до грло, па разголена -кнедла да ти застане в грло… Тоа е Миа Костова. Никогаш не си на чисто што и е следниот потег, какво ќе и биде утрешното расположение, каква и во која поза е нова фотографија што ќе ја сподели…
По враќањето во ТВ етерот на естрадниот магазин „Бекстејџ“ добро му одат работите, па затоа и среќата на Миа, барем онаа професионалната, некако се мери во „Бекстејџ“ емисии!
А за да бидеш гледан, значи да бидеш постојано свеж, актуелен, нов, поинаков, различен… Што на довчерашната русокоса и не и е некој проблем.
А нивото на шок, дозирано според нивото на интерес, за неа и нејзината емисија. Затоа Миа реши да покаже дека може повеќе… И тоа може се’ што сака, а посака преку ноќ од русокоса да стане бринета. И тоа со само еден потег на вештите прсти на нејзиниот фризер и стилист Зоран Шурбевски, за Миа одново да ја шокира јавноста.
Црна долга коса и црвен кармин за новиот „фамфатал“ изглед на водителката на „магазинот од зад сцената“! На Миа и се може… Се’ и се може, зашто и се’ добро и стои!
