Откако објавивме дека поранешен терорист на УЧК се заканува со нов конфликт во Македонија, доколку Македонците на 30-ти септември не гласаат за своето самоуништување, Миленко Неделковски иронично реагираше на својот Фејсбук профил. Неделковски истакна дека Македонците токму поради тоа ќе бојкотираат, за да го изневираат поранешниот пратеник и командант на УЧК во 2001 година, Абедин Зимбери, а тој да замине во планина.
Зимбери им порача дека доколку пропадне референдумот, Албанците нема да го трпат таквиот начин на живот, а со или без Македонците ќе продолжат по својот евроатлански пат. Да потсетиме дека и советникoт на премиерот Заев и претседател на Евроатланскиот совет на Македонија Исмет Рамадани во дебатна емисија на Алфа ТВ истакна дека пропаста на референдумот може да доведе до воен конфликт помеѓу Македонците и Албанците, со што дефакто се закани со војна.
