Филипинскиот шеф на дипломатијата не бираше зборови откако неговата влада испрати 78 протестни ноти до Пекинг во последните пет години.
Филипинскиот министер за надворешни работи, Теодоро Локсин од својот приватен Твитер профил испрати експлицитна порака до Кина, очигледно револтиран од константните упади на кинеските рибарски бродови во филипинските води.
Локсин е познат по својот остар и директен јазик, нешто што не е баш вообичаено за еден дипломат.
„Кина, пријатели, како љубезно да ви кажам? Да видам… од*бете. Што правите со нашето пријателство? Вие, не ние. Ние се обидуваме“, порача меѓу другото филипинскиот дипломат.
Кинеската амбасада во Манила не реагираше на неговиот испад, додека пак од американското министерство за надворешни работи соопштија дека САД стои зад своите филипински сојузници кои се под кинески притисок во Јужното кинеско море.
China, my friend, how politely can I put it? Let me see… O…GET THE FUCK OUT. What are you doing to our friendship? You. Not us. We’re trying. You. You’re like an ugly oaf forcing your attentions on a handsome guy who wants to be a friend; not to father a Chinese province … https://t.co/KTv1TOQvN7
— Teddy Locsin Jr. (@teddyboylocsin) May 3, 2021