Живеееме во време во кое се е реалтивни, се се менува, па и вредностите на нормален крвен притисок. 120 со 80 некогаш беше поим за нормален, а сите вредности над тоа се итен повик за итна посета на кардиолог, но повеќе не е така.
Европското кардиолошко здружение издало нови упатства, според кои нормален е 140 систолен и 90 дијастолен притисок.
Проф. др. Бранко Белесилин, кардиолог од Клиничкиот центар на Србија, пред светскиот ден на срцето, за српски „Blic“ зборувал за најновите критериуми.
“Повеќето луѓе сметаат дека 120 со 80 е нормална вредност на притисокот. Меѓутоа, крвниот притисок до 140 со 90 е границата која се смета за нормална. Тоа сепак, не важи за дијабетичарите, за кои границата е 130 со 89, како и кај постарото население”, вели Белеслин.
Претходно, меѓутоа, се сметало дека доколку некој има притисок 139 со 89 дека веќе е во претхипертензична состојба, дека мора да пие лекови за да не се зголеми ризикот од инфаркт или срцев удар. Меѓутоа, како што сè се менува, така се поместуваат и овие граници. Во Европа критериумите за висок притисок се малку пофлексибилни, со тоа што треба да се води сметка и да се обрати внимание на пациентот дека не се појават компликации кои предизвикуваат крвен притисок.
