Митко Јанчев, градоначалникот на Кавадарци, изјави дека денеска нема да учествува на протестот на ВМРО-ДПМНЕ пред македонската Влада.
-На протест нема да стигнам. До 18 и 30 часот имам неодложни градоначалнички обврски кои мора да ги завршам, бидејќи граѓаните ме избраа за тоа, да работам да ги реализирам ветените проекти од нивен интерес, изјави за Дојче веле Митко Јанчев, запрашан како ќе одговори на поканата од Општинскиот Комитет.
Вчера, Јанчев за провладината 24Вести изјави дека заедно со Зоран Заев ќе работел „против Мицкоски“ за да го спречи во намерата да го блокира Собранието да го промени Уставното име на Р.Македонија.