Со Политичкото Собрание на Европска Народна Партија попладнево стартуваше Конгресот на ЕНП во Хелсинки. Политичкото Собрание го води Жозеф Дол кој што воедно е и Претседател на Европска Народна Партија.
-Делегацијата на ВМРО-ДПМНЕ предводена од Претседателот на ВМРО-ДПМНЕ Христијан Мицкоски, Потпретседателот Александар Николоски, Секретарот за меѓународна политика Влатко Ѓорчев и советникот за меѓународна политика на Претседателот, Тимчо Муцунски учествува и на Политичкото Собрание на Европска Народна Партија. На Политичкото собрание учествува и Претседателот на ВМРО-ДПМНЕ, Христијан Мицкоски, кој вечерва и во текот на наредните денови ќе оствари низа билатерални средби со лидерите од сестринските партии. – соопштуваат од најголемата опозициска партија.
Делегацијата на ВМРО-ДПМНЕ сестринските партии ќе ги информира за злоупотребата на институциите за политичкиот прогон преку кој се врши притисок врз сите кои мислат поинаку од криминалната власт, кои исто така Македонија се повеќе ја оддалечуваат од европските стандарди.
На самитот на ЕНП треба да биде избран кандидат за претседател на ЕК, а ВМРО-ДПМНЕ учествува со 4 делегати со право на глас, на Политичкото собрание на ЕПП, Мицкоски седи веднаш до неговиот колега од Словенија, претседателот на Словенечката Демократска Странка, Јанез Јанша.
