Претседателот на опозициската ВМРО-ДПМНЕ, Христијан Мицкоски вечерва присуствува на концертот на македонската поп ѕвезда Влатко Лозаноски- Лозано во Охрид.
Стадионот “Билјанини извори” во Охрид е целосно исполнет на концертот на најголемата музичка ѕвезда во Македонија. Најавените концерти деновиве го преполнија Охрид. Шпицот на сезоната, празнично носи многу забава и многу гости.
Се остварија најавите на организаторите на концертот, за вистински музички спектакл, а Лозано ќе биде запишан како првиот домашен изведувач кој настапи на охридскиот стадион и тоа на најголемиот македонски празник – Илинден.
Пред Лозано, на големата бина со свои настапи се претставија неговите помлади колешки, Антониа Гиговска и Лина Пејовска.