Грчкиот премиер Кирјакос Мицотакис во синоќешното обраќање до нацијата предупреди дека службите за итни случаи се соочуваат со тешка ноќ, бидејќи пожарите северно од Атина оживеаја, а западните ветрови се засилуваат.
„За жал, најлошото допрва доаѓа, а ноќта пред нас изгледа заканувачка“, рече Мицотакис.
АП јави дека едно лице загинало во пожарот во Атина. Илјадници луѓе денеска ги напуштиле своите домови во предградието на Атина, а стотици се евакуирани со чамци од блискиот остров Евија, четврти ден од борбата против катастрофалниот шумски пожар.
Силниот ветер уште повеќе го разгоре шумскиот пожар северно од грчката престолнина, кој се заканува и на инсталацијата која е клучна за снабдување со електрична енергија на Атина.
Во јужна Европа, а пожарникарите и спасувачките екипи се борат со огнените сихии што зафатија многу земји во областа. Најлошите пожари сепак се во Грција и Турција, но не помалку опасни се и пожарите во Македонија и Албанија, и во другите балканси и медитерански земји.