Поглаварот на Албанската православна црква, архиепископот Анастасиос, ќе биде пренесен во атинска болница, откако му биле констатирани благи симптоми на ковид-19, соопштија од албанската Архиепископија.
Од таму додаваат дека било оценето оти 91-годишниот архиепископ треба да биде пренесен во болница во Атина за соодветна медицинска нега.
Според информациите на грчката новинска агенција АНА-МПА, поглаварот на Албанската православна црква се тестирал за ковид-19, а по позитивениот резултат ќе биде префрлен во Атина со авион C-130 на грчкото воено воздухопловство.
АНА-МПА пишува дека бил информиран и грчкиот премиер Кирјакос Мицотакис кој одобри воениот авион да замине за Тирана.