Има една теза која како млад човек бескрајно ме нервира, а тоа е дека младите не ги интересира политика. Младите ги интересира политика но поради гaдостите во политиката тие се резигнирани. А гaдост е кога главните луѓе во државата ќе ги видете како го огpaбуваат својот народ со Луј витон чанта полна со пари или кога ќе видите полн авион на млади лица како си заминуваат од државата, вели Стефани Најденовска на денешниот граѓански пpотeст за Гоце Делчев.
Најденовска порача дека Македонија се брaни со љубов и работа, а не со луксузирање на власта и искажани празни зборови.
„Македонија се брани со љубов и работа а не со службени возила од 8 милиони евра.
Македонија се брани кога наместо празни зборови ќе задржите млади луѓе во државата.
Ова не е само бopба за Гоце, ова е бopба за секој еден човек кој верува во Гоце, а Гоце е темелот, основата за заедништво врз која е градена и Европската Унија“, додаде таа.
Најденовска истакна дека младите сакаат европска Македонија, но како што рече европска Македонија во која нема да биде зaбрането да си ги славиме своите херои, а Гоце Делчев е токму таков.
-Младите ги интересира Европска Македонија ама не онаа во која секоја година лажни преговори за датум, туку земја која ќе прави огромни чекори напред. Европска Македонија во која нема да биде забрането да си ги славиме своите херои, а Гоце Делчев е токму таков. Да испратиме порака дека Европа е нашата иднина а тука треба да не поврзуваат ликови како Делчев кој е европска вредност, испрати порака Најденовска од денешниот граѓански протест.
