Редиците пред странските амбасади во Р.Македонија стануваат секојдневна глетка, по промената на власта во земјата. Иако СДСМ и Зоран Заев ветуваа подобрување на економските услови, поволности за младите и олеснување на условите за вработување и отварање на бизнис, ниту едно досега не е исполнето
Младите се евакуираат од државата, се чини, а редиците пред странските амбасади секојдневно се сѐ поголеми. Млади луѓе во редови се секојдневна глетка пред седиштата на амбасадите на Германија, Полска, Чешка, САД, Велика Британија, Франција, Швајцарија.
Од ветените мерки за подобрување на студентскиот стандард, загарантираните работни места за студентите, олеснувањето на условите за вработување и отворање на бизниси за млади претприемачи нема ништо. Напротив, се повеќе се зголемуваат економските и административни бариери за вработување, се зголемуваат даноците, се усложнуваат постапките за нови бизниси, УЈП доби можност да ги следи банкарските сметки (вклучително и заштедите) на сите граѓани, со што младите страуваат да заработуваат и преку интернет.
Македонија полека но сигурно се празни, а младите ја бараат секоја можност за евакуација од земјата, а само во Македонија има повеќе играчи на лото за Американска „Грин Карта“ отколку лото за парична добивка.
Реагираше и пратеникот на ВМРО-ДПМНЕ Влатко Ѓорчев, кој потсети на ветувањата на Зоран Заев, но додаде и фотографија од 29.12.2018 на која се гледа редица на млади луѓе кои чекаат пред Германската амбасада.
