Членовите на инстант основаните пленуми, производи на СДСМ во рамки на стратегијата поддржана од “чадорот“ за уривање на државниот поредок и разнебитување на македонското ткиво, повторно се активираа. Своевиден предвесник на протести за масовно уништување на објектите на државните институции и спомен обележјата во главниот град.
Неретко, нивните протести завршуваа со насилство од страна на партиски членови кон недложни граѓани и случајни минувачи покрај толпите наоружани со пластични пушки и спрејови, јајца…
Сепак, сиот вложен труд – од организација на луѓе до подготовка на транспаренти, обраќања и давање изјави пред контролираните медиуми, се исплатеше за поистакнатите членови. Некои добија прилично големи хонорари, а некои високи државнички функции, како на пример Ивана Туфекџиќ од Студентскиот пленум, која наскоро треба да седне во пратеничките клупи резервирани за опозицијата.
Во таа насока и нејзиниот долгогодишен пријател, Горан Таневски од истиот пленум, кој често заедно со Туфекџиќ застануваше пред камерите и ги изнесуваше барањата и условите за прекин на протестите, а кој од вчера повторно медиумски е експониран и покажува наводна грижа за студентите сместени во студентските домови, исто така за возврат доби висока позиција, одлични хонорари, а попатно и многу бенефиции.
Тој е член на Младинскиот образовен форум – МОФ, невладина организација која е директно финансирана од СОРОС (за потсетување за само 4 години оваа организација добила 1 милион евра соросови пари за дејствување на штета на македонските национални интереси преку поттикнување на омраза меѓу граѓаните) и чиишто членови добиваат дебели хонорари за сите свои деструктивни активности.
Во меѓувреме партијата која ја поддржува и чии ставови застапува го поставува да биде претседател на Советот на млади во општина Центар, со која раководи Жерновски, коалициониот партнер на Заев.
