Четвртото коло во Премиер лигата донесе победа на Манчестер Јунајтед кај Барнли, за прекин на лошата серија порази.
Жозе Мурињо беше под голем притисок од англиската јавност поради резултатите на неговиот тим на стартот од сезоната, а тој по вчерашниот успех кратко одговори на шпекулациите дека би можел да остане без работа.
„Сите велат дека сум во опасност да останам без мојата работа. Ако ме избркаат, свесни сте колку пари ќе мораат да ми платат!?“ , се пошегува Португалецот.
55-годишникот заработува 16,6 милиони по сезона и според сегашната ситуација е сигурен на тренерското место на „Олд Трафорд“.
Навивачите покажаа дека стојат зад својот менаџер, поздравувајќи го по поразот од Тотенхем и вчерашниот триумф над Барнли.