Генералниот директор на ОЗХО, Ахмет Узумку, изјави на состанокот во седиштето на ОЗХО во Хаг дека тимот за безбедност на ОН бил принуден да се повлече, со што се одложи доаѓањето на инспекторите за хемиско оружје во Дума.
Тимот на ОН, наводно, пристигнал во градот за да констатира дали е доволно безбеден за да започне истрага за наводниот хемиски напад од страна на сириската влада. Кога на нив бил отворен оган, одлучиле да се повлечат од градот, вели Узумку.
Претходно, сирискиот амбасадор во Обединетите нации, Башар Џафари, изјави дека безбедносниот тим на ОН допатувал во сирискиот град Дума на 17-ти април, пред планираната посета на меѓународните експерти за хемиско оружје на 18-ти април за да се разгледа нападот со хемиско оружје .
“Денес, тимот за безбедност на ОН влезе во Дума … со цел да се процени безбедносната ситуација на теренот и ако овој безбедносен тим на Обединетите нации одлучи дека ситуацијата во Дума е мирна тогаш мисијата за утврдување на фактите ќе започне со работа во Дума утре. Цладата направи се што може да стори за да ја олесни работата на оваа мисија “, изјави Јаафари пред Советот за безбедност на ОН.
На 14 април, САД, Франција и Велика Британија започнаа голем напад врз Сирија, отпуштајќи над 100 ракети, од кои 71 беа неутрализира од сириските системи за воздушна одбрана. Нападот беше спроведен како “одмазда” за наводна употреба на хемиско оружје во Дума и Источна Гута, и и претходеше на меѓународна истрага за случајот.
Ситуацијата во Сирија значително ескалираше поради извештаите за наводниот хемиски напад на 7 април во градот Дума, по што ЕУ и САД побрзаа да ги обвинат силите на сирискиот претседател Башар ал Асад, при што Дамаск ги отфрли овие наводи.
