Бродот „БВ Рајн“ под знамето на Сингапур експлодира пред најголемото пристаниште во Саудиска Арабија, а според првите извештаи, станува збор за насочен и намерен напад. Сопственикот на бродот го потврдил нападот во Џеда, а добрата вест е што 22 морнари успеале навреме да го напуштат бродот. Сепак, тој не можеше да ја исклучи можноста за еколошка катастрофа.
Никој не презеде одговорност за нападот, но експлозијата дојде во период кога Хутите во Јемен беа во голема офанзива против Саудијците во војната што трае веќе пет години.
- БВ Рајн бил погоден додека бил во пристаништето. После експлозијата избувнал голем пожар. Пожарникарите им помогнале на морнарите и сите го напуштиле бродот без повреди – изјави сопственикот на бродот.