Чувајте ги во фрижидер и јадете ги за ужинка или појадок кога сте во брзање.
Ако барате здрав рецепт за ужина, кој не содржи глутен, јајца и млеко, ова е вистински рецепт за вас.
Состојки:
Една и пол чаша овесни снегулки
Половина чаша путер од кикирики
Половина чаша чиа семе
Половина чаша мед
Една четвртина чаша какао
Една четвртина чаша сецкани бадеми
Подготовка:
Во поголем сад истурете ги сите состојки по ред: овес, путер од кикиритки, чиа семе, мед, какао и сецкани бадеми и добро мешајте за да ги соедините состојките.
Оставете ја смесата да отстои во фрижидер околу еден час или додека не е доволно цврста за да направите топчиња.
Направете топчиња со големина околу два до три сантиметри.
Најдобро е да ги чувате во фрижидер.