Државната советничка на Народниот правобранител Васка Бајрамовска-Мустфава, во вечерашната дебата на „360 степени“изјави декка Народниот правобранител добил поголем број на поплаки од родители бидејќи децата носат заштитни маски по неколку часови во текот на денот као и дека имало реакции и од родители на деца со попреченост кои поради нивната здравствена состојба не смеат да носат маски, вели
Министерската за образование и наука, Мила Царовска, пак вели дека сите протоколи за наставата со физичко присуство биле изготвени од Комисијата за заразни болести и тоа врз основа на детални информации и бројки по возраст на децата и анализи за евентуална трансмисија на ковид-19 кај оваа популација.
„Укажуваме да се скратат часовите, бидејќи зависно во кое одделение се децата седат со маски по четири, пет, шест или седум часа, а имаат можност да ги тргнат маските само за време на одморите. Но, и тогаш, самите наставници кажуваат дека не можат да ги контролираат дали тие ќе имаат контакт меѓусебе. Затоа, бараме да се разгледа предлогот за скратување на часовите на сметка на одморите и не гледам дека ова е мешање на Народниот правобранител во плановите на МОН и Комисијата за заразни болести“, рече Бајрамовска-Мустафа.
