Германскиот парламентарец Александар Ној се согласува со францускиот претседател Макрон за дека НАТО е во криза, и вели дека распадот на пактот е добредојден.
„Соединетите држави, заедно со Турција, му копаат гроб на НАТО а попатно го искористуваат само за своја корист“, вели представникот на левичарската партија, Александар Ној, пренесува Б92.
„До неодамна, Америка тежнееше исклучиво кон остварување на своите интереси, вклучително и она што го направија преку НАТО, а веќе неколку години сме сведоци дека Турција го следи тој тренд.
НАТО се распаѓа и јас го поздравувам тоа со раширени раце“, вели Ној.
Изјавата доаѓа речиси една недела откако францускиот претседател Емануел Макрон прогласи мозочна смрт на НАТО, алудирајќи на непредвидливоста и неможноста да се потпира на САД додека е претседател Доналд Трамп.
Изјавата на Макрон наиде на критики од германската канцеларка Ангела Меркел и генералниот секретар на НАТО Јенс Столтенберг.