Жителите на јужнокорејската провинција Гјонгсангбук-до излегоа на улични протести против распоредувањето на американскиот противракетен систем ТХААД, кој војската на САД сака да го постави во таа област
Речиси 400 луѓе се собраа пред зградата на градската администрација да протестираат против распоредување на американскиот ракетен систем, пренесува новинската агенција Јонхап. Локалните медиуми наведуваат дека жителите започнале да се собираат од 15.15 по локално време, но дека немало поголеми немири.
Protesters are gathering to stop the installation of 4 additional launchers in Seongju, S Korea (22:30) #StopTHAAD pic.twitter.com/RwQaT8cDzn
— Hyojung Kim (@Hyojung_Kim) September 6, 2017
Американската војска започна со транспорт на дополнителни четири ракетни системи ТХААД од базата на американските воздухопловни сили во Осана до договореното место за распоредување во округот Сонгџу, јавува новинската агенција Јонхап.
Во средата во Сеул е направено распоредување на четири додатни лансери на ракетниот систем ТХААД во американската база во Јужна Кореја по нуклеарната проба која ја изведе Северна Кореја за време на викендот. Американските сили во Јужна Кореја во четврток ќе разместат системи за ПВО во новата база во Сонгџу, 300 километри јужно од Сеул.