Суперѕвездата во кечерството, Мирослав Барнјашев од Бугарија, во изјава за „Марица“ кажа дека го следи Европското првенство (ЕП) во фудбал и дека негов омилен тим е Македонија. Тој потенцира дека нашиот тим игра многу добар фудбал и дека ќе ја растури неговата Бугарија при евентуален меч.
„За кој тим сум на ЕВРО 2020? За Македонија! Играат супер. Паѓаат на моменти, но играат. Ако ги грабнат нашите, ќе ги растурат со 6-0. Имаат дух. Не им значи нешто ако губат. Се пласираа на ЕП, уживаат. Леле! Два милиони луѓе се! Земјата им е независна дваесет и неколку години“, кажа Барнјашев во интервју за „Марица“.