Се боpел за Црвената армија во руската граѓанска војна, имал 8 деца и 34 правнуци.
Рускиот овчар Апаз Илијев, кој тврдел дека е роден за време на последниот руски цар, замина на 123 години, објавиле руските медиуми.
Дека Илијев е најcтар човек на светот никогаш не било докажано, бидејќи документите за неговото раѓање биле изгубени, па неговата возраст не можела да се потврди.
Илијев својот долг живот го припишувал на фактот дека спие по 11 часа дневно. Велел дека секоја вечер легнувал во околу 19 часот, а станувал во 6 часот за да го изведе своето стадо. Избегнувал лекари и лекови колку што можел повеќе, иако на 121 година го оперирал окото.
Јадел само свеж зеленчук од својата бавча и домашно месо кое го купувал во своето село Гули. Исто така, редовно пиел млеко и свежа изворска вода.
Се боpел за Црвената армија во руската граѓанска војна од 1917-та до 1922-ра година, а во Втората светска војна не учествувал бидејќи бил прогласен за престар да и се приклучи на војската, па остатокот од животот го живеел како овчар.
Имал осум деца, 35 внуци, 34 правнуци и неколку праправнуци.
Оние кои го познавале рекле дека бил многу љубезен човек кој го сакал својот живот.
Официјално, најстара личност на светот била Сара Кнаус од САД, која заминала од овој свет во 1999-та година, на возраст од 119 години и 97 дена.
Некои оваа титула и ја припишуваат на Жани Калмент, Французинка за која било утврдено дека имала 122 години и 164 дена кога заминала во 1997-ма година, меѓутоа и кај неа постоеле пpоблеми кога станувало збор за идентификацијата.
Инаку, во Либан живее дедо кој тврди дека има 125 години, но за тоа не постојат никакви докази.
https://www.youtube.com/watch?v=kyKc1-mlUVo
