Турскиот весник „Јени акит“ на својот сајт и на Твитер објави колаж на кој го претставиле претседателот на САД Барак Обама во улога на истанбулскиот терорист. На овој начин весникот реагира на изјавата за можната вмешаност на Вашингтон во нападот на ноќниот клуб во новогодишната вечер
На фотографијата на десната страна е снимката од напаѓачот, чие лице е заменето со лицето на Обама, додека на левата страна е претставена обична снимка на шефот на САД. Колажот е потпишан како „Најточната фотографија на убиецот“. Во текстот на сајтот, весникот пишува дека на социјаните мрежи се разгледува можноста за вмешаноста на Вашингтон во масакрот во ноќниот клуб во Истанбул.
‘Katilin en net görüntüsü!’ https://t.co/HzYYIvrbRZ pic.twitter.com/irpmZfibQ5
— Yeni Akit Gazetesi (@yeniakit) January 4, 2017
Во исто време Турција веќе соопшти дека истанбулскиот терорист би можел да се крие во странство, неговите врски и можно место на претстој се утврдени. Потсетуваме, во нападот на клубот за Нова година загинаа 39 лица, додека десетици беа повредени.
