Премиерот Зоран Заев денеска порача политичарите да не се прават важни и додаде оти граѓаните поддржуваат политики и личности и одлучуваат на изборите согласно својот интерес.
– Да не се чaтaлимe многу ние политичарите. Никој не ги носи гласачите во џеб или тој некој обезбедил или необезбедил. Политиките и личностите се тие што ги поддржуваат граѓаните. Почнувам од мојот СДСМ па натаму. Гледате како лавираме со гласовите, некаде 440.000 илјади на парламентарни, не симнаа граѓаните на 323.000 на првиот круг, сега ни дадоа поддршка од без малку 440.000…Така граѓаните си ја знаат својата работа, дури и ние политичарите кога мислиме дека тие не знаат. Тие знаат. Многу се и тие одлучуваат согласно својот интерес, интересот на своето семејство, на своите деца и на својата земја. Така носат одлуки. Сите дадоа придонес, изјави Заев во Владата, каде се одржа прием по повод одбележување на Денот на македонскиот јазик.
