Законот за јавно обвинителство повтроно ќе ги седне на маса Заев и Мицкоски. Власта и опозицијата не ја исклучуваат можноста за нова лидерска средба, но потенцираат дека ова ќе се случи само ако работните групи ги доближат ставовите.
Заев вели дека власта е подготвена да го промени и последниот текст на законот доколку опозицијата даде конструктивни предлози. Поддршка очекува и од 8те независни пpaтеници на ВМРО-ДПМНЕ со кои веќе се водат неформални разговори.
Од ВМРО-ДПМНЕ се уште не откриваат дали последниот предлог законот кој им го достави Министерството за правда за нив е прифатлив. Последниот збор ќе го има правниот тим на партијата, а деталите ќе ги објават следната недела.
Договорот го очекува и спикерот Џафери, кој смета дека има време Законот за јавно обвинителство да го донесе овој собраниски состав пред најавеното распуштање на 11 февруари. По 4 месеци пауза во преговорите помеѓу работните групи, носењето на Законот за јавно обвинителство го актуелизираше еврокомесарот Вархеји, кој побара ова законско решение да се донесе до крајот на февруари.
извор: sitel.com.mk
