Екс претседателот на Собранието Трајко Вељаноски пред седиштето на ВМРО-ДПМНЕ откри дека до полноќ ќе биде познат составот на новата влада и мандатарот Груевски ќе ја исполни својата обврска. Повеќе детали Вељаноски за конкретниот договор за нова владина коалиција не откри, а во тек е состанокот на извршниот комитет на ВМРО-ДПМНЕ.
Претходно објаивме дека, според неофицијалните информации на Инфомакс.мк, претседателството на ДУИ веќе ја прифатило одлуката за владина коалиција со ВМРО-ДПМНЕ, а претседателот Али Ахмети имал обраќање до претседатеството на партијата пред кое ја образложувал одлуката.
Тој исто така апелирал до секретарите и претседателите на општинските ограноци на партијата, да не дозволат членството да потпадне под влијание на лица и пропаганда, да не излегуваат на протести и да не бидат искористувани од оние кои сакаат да предизвикаат нова криза
Информацијата дека веќе е донесена одлука за владина коалиција ја пренесе и Албански „Топ Ченел“, од каде што информираат дека во секој момент се очекува од ДУИ да излезат со официјално соопштение.
Сепак, како што дознаваме од партиски извори во ВМРО-ДПМНЕ, одлуката на ДУИ сеуште не значи и конечна потврда за формирање на Владина коалиција имајќи во предвид дека партиските тела на победничката партија како и манадатарот Никола Груевски би требало прво да ја разгледаат, а потоа и да одлучат дали ќе ја прифатат или не понудата од ДУИ.
