Ова што го прави СДС на сопствениот народ и држава е рамно на цунами. Ова сите ние заедно можеме да го прекинеме и ќе го прекинеме. Со локалните избори на 15ти октомври почнува падот на оваа неспособна власт, истакна на денешната прес-конференција претседателот на ВМРО-ДПМНЕ, Никола Груевски.
Појасни дека граѓани го прашуваат зошто не го запрат не го запрат ова цунами, овој хаос, неспособност, неодговорност и негрижа која ја гледаат.
-Одговорот е дека со 51 пратеник на ВМРО-ДПМНЕ и коалицијата, нашиот маневарски простор еограничен. Само со масовно излегување и гласање против СДСМ на 15ти октомври, ќе започне крајот на овој хаос. Само тогаш народот ја има моќта во своите раце. Поразот на СДСМ на локалните избори не само што ќе биде јасен сигнал од народот за неговото незадоволство од лагите, негрижата и неодговорноста, туку ќе отвори и можност и потреба за предвремени парламентарни избори во Македонија, посочи Груевски.
