Лидерот на СДСМ и аболиран криминалец Зоран Заев со месеци ги менуваше изјавите за неговото познанство со првообвинетиот во „Пуч“, вечниот трговец со туѓи прислукувани разговори, Зоран Верушевски. Преку партискиот портпарол прво и соопшти на јавноста дека тој и екс-разузунавачот не се познаваат и не комуницирале.
Но, соочен со многуте факти Заев сфати дека мора да признае дека освен што го познава, тој со Верушевски и тесно соработува. Така, прво призна дека имале неколку заеднички средби, а потоа и дека оствариле соработка.
Соочен со докази, Заев истакна и дека освен со Верушевски, комуницирал и со неговото семејство. На синот му купил компјутер, а сакал да му купи и автомобил.
Кога Катица Јенева го ослободи Верушевски од притвор, неговата сопруга јавно му се заблагодари на Заев за овој чин.
И кога клопчето целосно се отвори, Заев лицемерно одлучи да си ги побие сопствените тврдења и јавно излезе на марш рамо до рамо токму со Зоран Верушевски.
