Кире Лазаров, капитенот на машката ракометна репрезентација е задоволен од играта на Македонија во дуелот со големата Шпанија, меѓутоа незадоволен е од резултатот и од поразот.
Вели дека нема време за плачење, туку да се стегнат заби за наредниот дуел со Исланд.
– Заслуживме повеќе, но што е тука е. Немаме време за плачење. Ќе бидам краток, она што најмногу ме иритира за време на целото СП. Ние како мала земја и репрезентација од втор ред, втор ешалон, рамноправно се носи со големите селекции. Се надевам дека Господ ќе не награди затоа што не калкулиравме. Имаше многу шпекулации, но нема чување. Да се бориш против големите, а утре да имаш важен натпревар, тоа е големо. Еве веќе четврти натпревар, што ме иритира. Но, што е, тука е. Македонија значи многу во ЕХФ и ИХФ, но го немаме тој третман на СП. Сакам да им честитам на моите колеги, стручен штаб и целата „Фаланга“ што беше со нас. Се боревме храбро со селекција која е една на врвот. Се надевам дека против Исланд ќе славиме и ќе дојдеме до третото место, изјави Лазаров.
