Вкупно девет кандидатури пристигнале до ВМРО-ДПМНЕ за претстојната Конвенција на која ќе се избира кандидат за претседател на државата.
Нашиот извор потврдува дека професорката Гордана Силјановска Давкова по иницијативата на 30 интелектуалци, кои побараа од неа да се кандидира за претседател, испратила кандидатура до Конвенцијата на ВМРО-ДПМНЕ, пренесува Лидер.
Покрај неа кандидатури се поднесени и од пратеникот Владимир Ѓорчев, Филип Петровски и од уште шест други кандидати кои се помалку познати на јавноста. Помеѓу нив има имиња на професори од Машинскиот факултет и Природно математичкиот факултет. Кандидатура поднел и еден поранешен градоначалник на Виница, како и претседателот на Комората за енергетика.
Како што дознаваме се очекува сите девет кандидати да учествуваат на Конвенцијата, која што ќе се одржи на 16 февруари во Струга.
