Косовскиот премиер е подготвен да го стави на дневен ред на седницата на владата прашањето за суспензија на даноците на производи увезени од Србија, објавува Коха.
„Харадинај, согласно со уставните и законските овластувања уредно ги обработува прашањата ставени на дневен ред и така ќе продолжи и во иднина.“, изјави политичкиот советник на Харадинај, Доњета Гаши.
Вака одговори таа на прашањето дали Харадинај ќе дозволи да се донесе одлука согласно демократските процедури и актуелните закони, доколку некој од членовите на владата побара суспензија на даноците кон Србија.
Оваа информација следеше по острото писмо што го упати САД до приштинските лидери со барање да се укинат даноците, во спротивно ќе се влошат односите меѓу земјите, на повеќе полиња, а не само во соработката од областа на безбедноста.
