34-годишна туристка е повредена кога дошло до одрон на карпа на популарната плажа на островот Закинтос, соопштиле грчките власти. Во инцидентот нема исчезнати.
Припадниците на крајбрежната стража соопштиле дека една странска државјанка е повредена и дека е префрлена во локална болница.
Локалните медиуми пренеле изјави на очевидци дека големата карпа паднала во морето и создала голем бран кој ги потопил малите бродови.
navagio is collapsing #Navagio #navagiobeach pic.twitter.com/iPNhVpFHHS
— d3scr1pt0r (@d3scr1pt0r) September 13, 2018
Службениците од пристаништето соопштиле дека плажата е евакуирана, а дека на бродовите со туристи им е забрането да приоѓаат до плажата на неодредено.
Според зборовите на сопствениците на приватните бродови, кога се случил одронот, на тоа подрачје имало три бродови со патници.
“Слушнавме звук и помал дел од карпата падна во морето, а потоа падна и другиот дел и на крајот третиот голем дел кој предизвика бранови и превртуваше бродови”, рекол неименуван сведок за агенцијата “AMNA”.
No one missing, one injured at landslide on popular #Zakynthos beach #Greecehttps://t.co/EUlIVp9TIA pic.twitter.com/bII0Nulj3L
— ANA-MPA news (@amna_newseng) September 13, 2018