Во интервју за Македонската информативна агенција по средбите во Брисел, премиерот Зоран Заев зборува за престојните обиди да се отворат преговорите со ЕУ, отпopoт од земји како Франција и Холандија, како и дека се прави сѐ претстојниот изборен процес да биде беспрекорен.
Сигналите од Франција засега сѐ уште се нeгaтивни во однос на отворањето преговорите со ЕУ. Имате ли некаква стратегија да спречите нова блokaда и да се справите со неа?
„Стратегијата што ја имаме е многу јасна и очигледна, а тоа е да не оставиме ниту минимум аргументи на било која земја, вклучително и земјата која ја споменувате, која што, не поради нас, туку поради внатрешните дебати, е резервирана за проширувањето на ЕУ. Ние мислиме прво дека ќе успееме со сите реформи до самиот крај, резултатите и имплементацијата веќе се видливи во државата. Важно е да бидат кристално чисти претседателските избори, тоа е прв приоритет за мојата влада, за мојата политичка партија, верувам за сите во нашата земја. Така што, без аргументи, после вакви сериозни политички одлуки што се донесоа, за конечно после 14 години да отвориме поглавја, да почнеме преговори со ЕУ, подготвени дури и името на државата да го смениме, верувам дека ниту една земја не може да остане рамнодушна без да донесе позитивна одлука.“
