Не стивнуваат реакциите на граѓаните на социјалните мрежи откако генералниот секретар на Владата, Драги Рашковски, на безобразен начин се обиде сликовото да им објасни на граѓаните со минимални примања како, всушност, тие самите и Владата, можат „со домаќинско работење“ да си купат кошула и да се вратат дома „почестени од Владата“. Намалувањето на трошоците не значи покачување на платата, туку извртување на фактите во полза на политичката пропаганда на СДСМ, сметаат граѓаните, пренесува Република.
Својата весела математика Рашковски ја нарече „Скриено покачување на минималната плата“.
„Минималната плата се покачи на 12.000 денари.
Радиодифузната такса се укинува. Тоа значи дека на едно семејство ќе му останат во буџетот повеќе 225 денари месечно (190 денари такса и 35 денари провизија за налог)
Аналогно на тоа минималната плата изнесува 12.225 денари
Се воведува евтина тарифа на струјата. Ако во просек едно семејство троши 2.000 денари месечно за струја, преку соодветно трошење тој износ многу лесно може да се намали на 1700 па и помалку. Тоа значи дека 300 денари остануваат повеќе во семејниот буџет.
Аналогно на претходното, минималната плата изнесува 12.525 денари.
Така почнува да се одмотува спиралата.
Така парите ги враќаме кај граѓаните“, уверен е Рашковски.
Пластично, смета Рашковски, тоа би изгледало вака:
„Одите во бутик да купите кошула (радиодифузната такса). Онаа која Ви се допаѓа е 225 денари. Одите на каса да ја платите и сопственикот Ви кажува дека поради домаќинското работење може да си дозволи да ве почасти со кошулата. Вие ем ја имате кошулата, ем си одите дома со 225 денари, кои доколку не Ве почастел сопственикот на бутикот тие средства ќе ви беа потрошени..
Вие ем ги имате услугите на радиодифузија, ем државата поради своето работење може да си дозволи да Ве „почасти“.
Според логиката на Рашковски:
Ако трчаш по автобус ќе заштедиш 30 ден, ако трчаш по такси, ќе заштедиш 150 денари.
