НИКОГАШ НЕ ВЕЛИ МИСИЈАТА Е ЗАВРШЕНА: Трамп по Сирија како Буш по Ирак

- Advertisement -

Американскиот претседател Доналд Трамп по нападот во Сирија го употреби истиот слоган како и поранешниот американски претседател Џорџ Буш Помладиот по операцијата во Ирак, објави АП.

„Во 2003 година Буш говореше под слоганот ‘Мисијата е остварена’ кога се качи на носач на авиони во Калифорнија за да прогласи дека главните борбени операции во Ирак се завршени, само шест дена по инвазијата“, вели АП.

Буш беше остро критикуван поради оваа изјава, бидејќи војната потраја многу години, потсетува американската агенција.

Трамп вчера на својот твитер профил напиша дека нападот врз Сирија е „совршено изведен“ и дека „мисијата е остварена“.