Ќе постапиме според Уставот на Србија. Секој нов обид ќе заврши лошо, за тоа нека размислуваат и Албанците и нивните спонзори, порача Претседателот на Србија Томислав Николиќ, по седницата на Советот за национална безбедност.
Ми се чини дека случувањата поврзани со возот се последни трзаи на американската администрација во заминување.
Договорите од Брисел служат само да ја потсетат Србија на што се има обврзано, а Албанците едноставно да ги погазат Србите, изјави Николиќ пред новинарите.
Предмет за дијалог во Брисел сега треба да биде само возот, слободата на движење, инаку не гледам за што треба да се преговара со привремените институции во Приштина и со Европската Унија, рече Николиќ.
ЕУ мора да одговори дали е точна изјавата на Мустафа дека имале нејзина согласност. Со тоа што се случи Албанците сакаа војна. Па затоа оваа изјава не треба да се занемари.