Александар Николоски, потпретседателот на политичката партија ВМРО-ДПМНЕ, во интервју за Фрајдеј зборуваше почетоците на неговата политичка кариера. Николоски, најмладиот пратеник во историјата на Македонија, кој во пратеничките клупи седна на 22 години.
Во јавниот живот е од 17 годишна возраст, прво како претседател на средношколската унија на Македонија. Во рамките на оваа организација Николоски започна една мини револуција и успеа да издејствува намалување на партиципацијата за студирање, со што им овозможи на многу средношколци кои од финансиски причини не го продолжуваа образованието, да го остварат својот сон.
Во 2004 станува претседател на Унијата на млади сили или младинската организација на ВМРО-ДПМНЕ, а во 2006 година е избран за пратеник.
Тоа, како што вели тој, му било голем предизвик кој му го променил животот, како на професионален, така и на приватен план.
Тогаш имав само 22 години и сеуште немало помлад пратеник во Македонија. Ова беше навистина интересно и комплетно ново искуство. Младите го препознаа тоа затоа што тогаш прв пат во политиката се даде шанса на млади луѓе. Претходно тоа биле сериозни господа, со сериозни фризури и костуми и немале многу чувство за младите. Лично ми беше тоа голем предизвик, ми се промени животот многу, како на професионален така и на приватен план. Тоа беше доста интересно и за јавноста и многу Ваши колеги сакаа да направат интервју со мене. И покрај што бев млад во политиката, јас продолжив со мојот вообичаен живот, многу често излегував и навистина ми беше интересно како го спојувам едното со другото.
Николоски вели дека за работата е потребна 24 часовна посветеност, која не му дозволува да изнајде баланс меѓу професионалниот и приватниот живот. И покрај тоа тој се занимава со политика, бидејќи сака да направи нешто што ќе го паметат идните генерации.
Да ја подобриме државата и да оставиме една трага во историјата дека во тоа време, тие луѓе ја направиле таа промена. Тоа е главниот мој мотив зошто се занимавам со политика.
Николоски смета дека има многу фантастични, самостојни и амбициозни млади во Македонија кои се спремни за успех и кои ќе дадат многу за државата во следниот период. Тој им порачува да си ги следат сништата, да бидат бунтовни и да критикуваат,
Треба да бидат бунтовни особено кон нас кои се занимаваме со јавен живот и политика. Мора да не критикуваат и не смеат да ни кажуваат дека за се сме во право бидејќи тоа е нешто што го уништува секого, вели Николоски
