Потпретседателот на ВМРО-ДПМНЕ, Александар Николоски во своето гостување во емисијата „Што не е јасно“ на Алфа Телевизија, истакна дека неколку пратеници од владеачкото мнозинство размислуваат да ја напуштат собраниската коалиција поради како што вели катастрофата која и се случува на Македонија а е на штета на граѓаните.
– Во овој момент има неколку пратеници од владеачкото мнозинство кои што сериозно размислуваат да го напуштат истото и да се формира ново парламентарно мнозинство во Собранието со цел да падне оваа влада, поради незадоволството кај нив од националните предавства како и од економската и здравствената криза која и се случува на Македонија и тоа ќе го гледаме во периодот кој што доаѓа пред нас, вели потпретседателот на ВМРО-ДПМНЕ, Александар Николоски.
