Шефицата на Центарот за истражување и креирање политики Марија Ристеска и постави неколку предизвици на новата министерка за финансии Нина Ангеловска, пренесува Експрес.
Покрај барањето за промени во начинот на буџетирање поврзан со родот на корисниците и начинот на програмирање на јавните пари Ристеска бара Ангелеска која има искуство со платформата Групер да овозможи трошењето на парите од државниот буџет да се следи на интернет.
“Едно барање имам до новата Министерка за финансии: да предложи нов Закон за буџети кој ќе регулира програмско и родово одговорно буџетирање и како некој што сака технологија нека направи да следиме во живо како се трошат нашите пари и кои цели ги постигнуваме со трошењето”, пишува Ристеска во јавниот повик до министерката.
Шефицата на државниот трезор се уште не одговорила на барањето на Ристеска.
