Јапонскиот тенисер Кеи Нишикори по подолго време повторно ќе игра полуфинале на еден Грен слем турнир. Имено, Нишикори излезе како победник од маратонот против Марин Чилиќ од Хрватска со 3-2 во сетови (2-6, 6-4, 7-6/5, 4-6, 6-4) и влезе меѓу четворицата најдобри на УС Опен.
Мечот траеше четири часа и 12 минути и одлучи брејкот на Нишикори во 12. последен гем од одлучувачкиот сет. Двајцата тенисери имаа подеми и падови во мечот и прашање беше само кој тенисер има повеќе свежина во завршницата.
Противникот на Нишикори во полуфиналето в петок ќе биде поуспешниот од последното четвртфинале меѓу Милман и Ѓоковиќ. Првиот полуфинален пар го сочинуваат Надал и Дел Потро.
Финалето се игра во ноќта меѓу недела и понеделник.