Иако Стефан Богоев и СДСМ во предизборната кампања на карпошани им ветуваа брда и долини, како поминува времето од неговиот мандат се повеќе излегува на виделина неговата инертност во реализација на ветените проекти и тековните обврски на општината.
Само за споредба во време на претходниот градоначалник Стевче Јакимовски, карпошани имаа цел месец забава и уживање за реномираната манифестација „Културно Лето Карпош“ оваа година „Културнот Лето“ на Богоев трае цели три дена. Сепак она што би сакале да го пренесеме и споделиме со нашите читатели не е квантитетот на музика и уметност во општина Карпош, туку многу по суштествен проблем на граѓаните од оваа реномирана општина а тоа е хигената и комуналните активности.
На последната 15та седница на советот на Град Скопје се расправаше за полугодишните извештаи од работењето на градските претпријатија како и извршувањето и реализација на предвидениот буџет на градот Скопје. Целокупната слика за овој извештај е дека Скопје има најслаба реализација на буџетот и проектите во последниве десетина години.
Во извештајот на претпријатието „Комунална Хигена Скопје“ стои планот за поставување и инсталирање на подземни контејнери во сите општини во градот. Она што е впечатливо од материјалите е дека за општина Карпош не е предвидено инсталација на подземни контејнери.
Исто така општина Карпош, според материјалите од град Скопје е единствената општина која потфрла и не реализира едукација и поттикнување на свеста за совестно третирање на отпадот и ѓубрето како и хигената на околина кај најмладите во училишна и предучилишна возраст
Општина Карпош мака мачи со отстранувањето на дивите депонии и секојдневниот смет по населбите. Секојдневна слика се контејнери преполни и претрупани со ѓубре, купишта отпад и шут по кејот на Вардар и урбаните населби. Подземните контејнери се од круцијално значење пред се заради количината која можат да ја соберат и секако фактот што сметот не е на виделина. Зашто Богоев нема во план да постави подземни контејнери во Карпош иако хигената му беше едно од главните ветувања во предизборието
