Без разлика дали веќе се направени постизборните коалиции со кои треба да се обезбеди мнозинство од 61 пратеник или не, Никола Груевски го има мандатот за формирање на Влада
Оваа информација ја потврди и портпаролот на ВМРО-ДПМНЕ, Иво Котевски
„ВМРО-ДПМНЕ победи на овие избори и има легитимитет, и целосна поддршка од народот да ја формира новата влада. ВМРО-ДПМНЕ има обврска да направи се за да ја исполни волјата на мнозинството. Мандатот за формирање на нова влада е во рацете на Никола Груевски. Тој беше носител на сите изборни активности и ја освои довербата на граѓаните“, вели Котевски.
Во моментов, Котевски не изнесе детали за можните контакти со цел формирање на постизборна коалиција со останатите партии, и вели дека јавноста навремено ќе биде информирана по ова прашање. Мандатот од претседателот се очекува Иванов да му го предаде на Груевски најдоцна до 9-ти јануари, но постои и можност тоа да се случи порано.