Нема Албанец носител на пратеничките листи на опозицијата предводена од Зоран Заев. На изборните листи од 120 номинации за пратеници, на прсти се бројат кандидатите Албанци и покрај јавните изјави на првиот социјалдемократ дека сериозно игра на картата на албанските гласачи. Ова како што дознава „Дневник“ предизвикало жестока кавга во Централниот одбор на СДСМ меѓу Едмонд Адеми и лидерот Заев.
Незадоволство и разочараност од застапеноста на Албанците на пратеничките листи на СДСМ има и меѓу поддржувачите Албанци на политиките на Заев.
Извори од партијата истакнуваат дека на Централниот одбор, кога Адеми видел дека го нема на пратеничките листи и кога забележал дека ни Шестата изборна единица нема да биде предводена од кандидат Албанец, жестоко реагирал до лидерот Заев. Тој директно го прашал Заев што бара партискиот портпарол Петре Шилегов да биде носител на листата на „шестката“.
